ሕጊ ሙራድ ብትግርኛ / Murad Code in Tigrinya
እዚ ትርጉም ዝተኣረመ ስለዘይኮነ ድሕሪ ምጽራይ ክልወጡ ዝኽእሉ ኣድለይቲ ዘይኮኑ ስሕተታት፣ ኣጠቓቕማ ቃላት፣ ጽንሰ-ሓሳባትን ቀመራትን ዝሓዘ ክኸውን ይኽእል እዩ። ከምዚ ዓይነት ስሕተት እንተረኺቦም ወይ እዚ ጽሑፍ ንምምሕያሽ ርኢቶ (ጽንሰ ሓሳባት ስርዓተ ጾታ ሓዊሱ) እንተሃልይዎም በይዘኦም ርኢቶኦም ብኢንግሊዘኛ ናብ feedback@muradcode.com ይልኣኹልና።
ኣብ ረቂቕ ሕጊ ሙራድ ኣብ ዝተኻየደ ዓለማዊ ምኽክር ዝተረኸበ መተካእታ ዘይብሉን ሰፊሕን እታዎታትን ለበዋታትን ስዒቡ፣ ጽዑቕ መስርሕ ምግምጋምን ምምሕያሽን ተገይሩ ተዛዚሙ ኣሎ። እዚ መስርሕ ምምሕያሽ፣ ካብ ሞት ዝደሓኑን ካልኦት በዓልሞያታትን ኣብ ጽሑፋዊ ገምጋምን ዓውደ መጽናዕትታትን ዝተሳተፉ ኣብ ረቂቕ ምምሕያሻት ኣሳቲፉ እዩ። እዚ ድማ ‘ኣብ ስራሕ ክውዕል ዝኽእል’ ስሪት ኣብ 05 ሚያዝያ 2014 ዓ/ም ዝወጸ ሕጊ ሙራድ (“ዓለምለኻዊ ሕጊ ስነ-ምግባር ብዛዕባ ብልሓታዊን ምስ ግጭት ዝተኣሳሰርን ጾታዊ ጥቕዓትን ሓበሬታ ንምእካብን ንምጥቃምን”) ኣዳልዩ እዩ።
ኣብ ሰነ 2012 ዓ/ም ረቂቕ ሕጊ ሙራድ (ብእንግሊዘኛ፣ ዓረበኛ፣ ስዋሃሊ፣ ፈረንሳይኛን ስፓኒሽን ዝርከብ) መጠቓለሊ ግብረ መልሲ(ብእንግሊዝኛ ጥራይ)ን ከምኡ’ውን ካብ ሰነ 2012 ዓ/ም ጀሚሩ ዝረኸብናዮ ምሉእ ምትእኽኻብ ግብረ መልሲ (ብእንግሊዝኛ ጥራይ)ን ክሳብ ሕዚ ክትረኽብዎ ትኽእሉ ኢኹም።
ኣብ ስራሕ ክውዕል ዝኽእል ስራሕ ሕጊ ሙራድ ኣብ ታሕቲ ቀሪቡ ኣሎ። እቲ ሕጊ ብዛዕባ ብልሓታዊን ምስ ግጭት ዝተኣሳሰርን ጾታዊ ጥቕዓትን(SCRSV) ብዝምልከት ሓበሬታ ንምርካብ፣ ውጽኢታውን ስነ-ምግባራውን ምእካብ ሓበሬታ ዝምልከት ዝተሓተ ብርኪታት ዘንጸባርቕ ምዃኑ ንምርግጋጽ በብእዋኑ ዝግምገም ህያው ሰነድ እዩ።
ሕጊ ሙራድ ብካልኦት ቋንቋታት ዝርከብ ኮይኑ፣ በቲ ኣብ ላዕሊ ዘሎ ንታሕቲ ዝወርድ ዝርዝር ክትረኽብዎ ትኽእሉ ኢኹም።